الماتىدا عالىمدار لاتىن الىپبيىنە كوشۋدىڭ ماسەلەلەرىن تالقىلادى

ەلىمىز بويىنشا قىزۋ تالقىلانىپ جاتقان تاقىرىپتىڭ وزەكتىلىگىنە توقتالعان عالىمدار تاريحي شەشىمنىڭ الدىندا جان-جاقتى ساراپقا سالىنعان بارلىق ەرەجەگە ساي ءتيىمدى تەتىكتى تابۋىمىز كەرەك دەگەندى ايتتى. ياعني بارلىق عالىمدار مەن زيالى قاۋىم وكىلدەرى ءبىراۋىزدان قولداعان نۇسقانى نىسانعا الىپ, ءارتۇرلى ۇسىنىستاردى ءبىر ارنادان توعىستىرۋ كوزدەلدى.

قازىرگى تەحنوكراتتى الەمدە ءبىر الىپبيدەن ەكىنشى الىپبيگە ءوتۋ كەز كەلگەن حالىققا, كەز كەلگەن ۇلتتىق تىلگە اۋقىمدى زارداپتار تيگىزەدى. بۇل ءبىرىنشى كەزەكتە ءتىلدىڭ جالپىعا تانىس امبەباپ قىزمەتىمەن بايلانىستى, ارينە, جاھاندانۋ جانە اقپاراتتاندىرۋ عاسىرىنداعى ءبىلىم مەن اقپاراتتىڭ ءرولى ەرەكشە. قازىرگى تاڭدا الەمدىك ەكونوميكا سالاسىندا ءبىلىم, ىسكەرلىك جانە داعدىلار يندۋسترياسى وتە ءتيىمدى بولىپ جاتىر. سونىمەن بىرگە, بارلىق الەمدىك عىلىمي جانە مادەني اقپارات اعىلشىن ءتىلى نەگىزىندە باياندالىپ, كورسەتىلۋدە. وسىلايشا, قازاق ءتىلىنىڭ كيريلليتسا الىپبيىنەن لاتىن الىپبيىنە ءوتۋى ماڭىزدى ءرول اتقارادى. ال لاتىن ءالىپبيى جالپىالەمدىك اقپاراتتارعا قازاقستاننىڭ الەۋمەتتىك-مادەني دامۋىنداعى  قازىرگى تالاپتاردىڭ بالاما نۇسقاسى بولىپ تابىلادى – دەيدى فيلوسوفيا, ساياساتتانۋ جانە ءدىنتانۋ ينستيتۋتىنىڭ ديرەكتورى, ساياسي عىلىمدارىنىڭ  دوكتورى, پروفەسسور اقان بيجانوۆ.

باسقوسۋدا قازاق جازباسىنىڭ لاتىن الىپبيىنە ءوتۋ ماسەلەسىن مامانداردىڭ كەڭ جانە بىلىكتى تالقىلاۋ بارىسىندا العا قويىلعان ماڭىزدى ماسەلەلەر بويىنشا بىرنەشە پىكىرلەر ورتاعا شىعارىلدى. اتاپ ايتقاندا, ءتىل ءبىلىمى ماماندارى تاراپىنان ديگرافتىق نەمەسە دياكريتيكالىق جۇيەنىڭ قابىلدانىلۋى ماڭىزدى ەكەنى اتاپ ءوتىلدى. بۇل لينگۆيستيكالىق ماسەلە قازاق ءتىلىنىڭ جاڭا ءالىپبيىن العا قاراي دامىتۋ ءۇشىن بىردەن-ءبىر ماڭىزدى فاكتور بولىپ تابىلادى. بۇدان باسقا, لاتىن گرافيكاسىنا كوشۋدىڭ مادەني جانە ساياسي-الەۋمەتتىك اسپەكتىلەرى قاراستىرىلدى. دوڭگەلەك ۇستەلدىڭ سپيكەرلەرى جالپى تۇركىلىك تامىردىڭ قايتا قالپىنا كەلتىرىلۋىن جانە لاتىن ءالىپبيىنىڭ كرەاتيۆتى الەۋەتىن پايدالانۋ قاجەتتىلىگىن اتاپ ءوتتى.

ارمان وكتيابر,

«ەگەمەن قازاقستان»

الماتى